Amaliy qoidalar

Kundalik savdo jarayonlarida rioya qilish kerak bo’lgan amaliy qoidalar.

20. Komitent (vositachi)

Onlayn-NKM, virtual kassa yoki Marketpleys orqali shakllantiriladigan cheklarda, agar savdo jarayonida vositachi ishtirok etsa, komitentning STIR yoki JShShIR raqami ko’rsatilishi majburiy.

21. O’lchov birligi

Kassa chekida sotilgan har bir tovar yoki xizmatning o’lchov birligi ko’rsatilishi shart
O’lchov birligi MXIK (Mahsulotlar va xizmatlarning yagona elektron milliy katalogi) asosida shakllantirilishi lozim
Onlayn-NKM va virtual kassalar mahsulotning o’lchov birligi va miqdori chekda to’g’ri aks ettirilishini texnik jihatdan ta’minlashi shart

22. Turdosh (ikkilamchi) hisobga olish tizimlari

Barcha POS-tizimlar va dasturlar majburiy ravishda soliq organlari tizimiga integratsiya qilinishi va Davlat reyestriga kiritilishi lozim

23. Kvitansiya daftari

Onlayn-NKM yoki virtual kassa nosoz bo’lgan hollarda va TXKM tomonidan zaxira qurilma o’rnatilgunga qadar foydalaniladigan hujjat.

Talablar:

Talab	Tavsifi
Ro’yxatdan o’tish	Soliq organlarida maxsus ro’yxatdan o’tgan bo’lishi kerak
Tasdiqlash	Soliq organi muhri bilan tasdiqlangan va raqamlangan
Ma’lumot kiritish	Qurilma sozlangandan so’ng, 1 ish kuni ichida barcha savdo ma’lumotlari tizimga kiritilishi shart

24. To’lov shakllari

Kassa chekida to’lov qaysi shaklda amalga oshirilganligi majburiy ravishda ko’rsatiladi.

To’lov shakli	Tavsifi
Naqd	Naqd pul orqali to’lov
Plastik karta	Bank kartasi orqali to’lov
Aralash	Naqd va karta birgalikda

Fiskal modulga yuboriladigan ma’lumotlar tarkibida ham naqd yoki bank plastik kartasidan to’langan summalar alohida qayd etiladi.